Ilulissat kunngissamit tikeraarneqarput

Hollandimiut kunngissaat Willem-Alexander Ilulissanut tikeraaqqammerpoq.
maajip 09-at 2011 07:58

Kunngissap ulluni sisamani tikeraarnera pinngortitaq pillugu nunarsuaq tamakkerlugu suliniaqatigiiffimmit, WWF-imit, aaqqissuunneqarpoq.

Sermersuup aakkiartornerata nunanut assigiinngitsunut, soorlu Hollandimut, sunniuteqarnera suliniaqatigiiffimmit oqariartuutigineqarpoq.

Tikeraarnermut atatillugu Kunngissaq Willem-Alexander sermersuarmi  aamma unnuisinneqarpoq.

Kunngissap saniatigut tikeraat allat tassaapput professor Robbert Dijkgraaf, Hollandimi ilisimatusarfimmi siulersuisunut siulittaasuusoq. Angalaqataasut sinneri ilaatigut tassaapput suliffeqarfimmi Royal Haskoningimi siulersuisunut siulittaasoq Eric Oostwegel aamma WNF-imi pisortaq Johan van de Gronden.