Ilulissat kommunalbestyrelsiani Siumut suleqatigiumaneqarpoq

Ilulissani Inuit Ataqatigiit kommunalbestyrelsemi Kattusseqatigiit Partiiannik suleqateqarnertik taamaatippaat. Suleqatigiikkunnaarneq peqquteqarpoq, Inuit Ataqatigiit isumaqarmata, borgmester Anthon Frederiksen suleqatigiinnissamut isumaqatigiissuteqarnermi neriorsuuteqarsimaneragaammat, inatsisartunut qinigaaffiup naanerani inatsisartuni sulinini taamaatinniarlugu. Anthon Frederiksen ippassaq oqarpoq, isumaqatigiissummi inatsisartunut sulinini taamaatinniarlugu isunmaqatigiissuteqarsimanani. Aamma oqarpoq, Inuit Ataqatigiit suleqatigiunnaarnerini Siumut suleqatiseralugit saaffigisimallugit.

Ilulissani Siumut siulittaasuat kommunalbestyrelsimilu ilaasortaq Palle Jerimiassen oqarpoq, Inuit Ataqatigiit Kattusseqatigiillu partiiat tamarmik Siumut suleqatiseralugit saaffiginnissuteqarsimasut:

- Ippassaq tamarmik allakkatigut saaffiginissuteqarput. Aqagu qulinut Kattusseqatigiit aqqanernullu Inuit Ataqatigiit ataatsimeeqatigissavavut, taassuma kingorna Siumut tunuliaqutai peqatigalugit aalajangissavarput kikkut seleqatiginiarnerlugit, Palle Jerimiassen oqarpoq.

Palle Jerimiassen-ip erseqqisaatigaa Siumut Ilulissat aalajangiusimagaa Ilulissat ataavartumik sulisumik borgmestereqarnissaa:

-Aalajangiusimajuarsimavarput Ilulissat avannaani illoqarfik pingaaruteqaqimmat ataavartumi sulisumik borgmestereqartariaqartoq, ingammik maannakkut kummunit kattussuunnissaannut kommunalbestyrelsimi suliassat amerlammata,

Palle Jerimiassen oqarpoq.

Ilulissani Inuit Ataqatigiit sinnerlugit kommunalbestyrelsemi ilaasortat Bendt Broberg Kristiansen aamma Jens Madsen allapput, borgmesteri innuttaasut arlaqartut tusaatillugit inatsisartuni sulinini unitsinniarlugu neriorsuuteqarfigisimallugu inuuttaasunut salluliortoq katersuuffigiumanagu.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat