Ilulissat Kangiata sermiata aakkiartornera misissuiffigineqalersoq

Danmarks Tekniske Universitet, DTU, Danmarkimi Kalaallit Nunaannilu ujarassiuutut misissuiffik, GEUS, ataatsimut tamanna ilisimatusaatiginiarpaat.

Ilisimatusaatitut suliniut Danmarks Frie Forskningsfondimit 5,8 millionit koruuninik aningaasaliiffigineqarpoq.

Ilulissat Kangiata ukioq 1900-mili maannamut ineriartornera misissuutigalugu nutaanik uuttortaasoqarnissaa siunniunneqartoq, suliniummik aqutsisup William Colganip GEUS-ip nittartagaani oqaatigaa.

AAMMA ATUARUK Sermersuaq aatsaat taamak aakkiartortigaaq

- Sermip aakkiartornera iigartarneralu nalinginnaasumik pisarpoq, taamaattuaannarsimallunilu. Piffissap ingerlanerani tamanna qanoq ingerlasimanersoq paasiniarparput, sermip iigartartup immat qaffakkiartornerannut qanoq sunniuteqarsimatiginersoq paasiniarlutigu, William Colgan oqarpoq.

Sermip silap pissusiata allanngoriartornerata kingunerisaanik qanoq aakkiartorsimatiginersoq immikkut ilisimasallit paaserusuppaat.

AAMMA ATUARUK Kalaallit Nunaanni sermersuup ikkerfii aatsaat taama aakkiartortigaat

Kalaallit Nunaanni sermip aakkiartornera ukiut hunnorujulikkaat kingulliit ingerlaneranni aatsaat taama sukkatigisoq, atuagassiap Naturep nalunaarusiaanni, decembarip ulluisa arfernanni saqqummersinneqartup, takutippaa.

Kalaallit Nunaanni sermip aakkiartornera immat qaffakkiartornerannut pissutaanerpaasoq, nalunaarusiami inerniliunneqarportaaq. Nunarsuarmi illoqarfiit sinerissamiittut qarsutsinersuarnit ukiut qulikkaat tulliuttut ingerlaneranni eqqorneqarnissaat naatsorsuutigisariaqartoq immikkut ilisimasallit oqaatigaat.

/ritzau/