Tassani sermeq iigartartoq isiginnaartartunit qanimut malinnaavigineqarsinnaavoq, sumiiffillu sooq taama immikkuullaritsigisoq allaat UNESCO-p nunarsuarmiut eriagisassaannut ilanngunneqarsimanersoq akissutissarsisinnaallugu.
Sermeq kujalleq nunarsuarmi sukkanerpaamik iigartartuuvoq, tamannalu nammineq qanimut isigalugu takuneqarsinnaavoq ukiunilu hundredit aappaat avillugu taamaaliortoqarsinnaasimavoq. Sermit eqqaani ilisimatusarnermi atorneqarluarsinnaasumik nunap sananeqaataanik peqarluarpoq, taamaakkamilu nunarsuarmi soqutiginaateqarnerpaalluni, taama ittut pillugit ilisimatusarniartunut. Maannakkullu silap pissusaata sermillu iigartartup imminnut qanoq sunniuteqarfigisarnerat paasisaqarfigissallugu pingaaruteqartorujussuuvoq.
Isiginnaagassiap ingerlanerani oqaluttuartuuvoq erinarsortartoq Julie Berthelsen. Isiginnaagassiaq maani KNR-imi septembarip 13-iani aallakaatissavarput.