Ilulissat: Inuit arfinillit covid-19-mik tunillatsissimapput
Ilulissani Covid-19-imik tunillatsissimasut arfinillit nassaarineqarput. Taakku tamarmik tikinnerminniit ullut tallimassaanni misissortinnerminni pasineqarput,
Nunatsinni nakorsaaneqarfik tusagassiuutinut taama paasissutissiivoq.
Inuit arfinillit nunatsinnut tikipput 15 aamma 16 december. Taakkua tamarmik paasitinneqarput angerlarsimaannarnissaannik, nakorsaaneqarfimmit taama paasissutissiipput.
Tusagassiuutinut nalunaarummi atuarneqarsinnaavoq tunillatsissimasut tamarmik angerlarsimaannartussaanermut maleruaqqusanik malinnissimasut, paasissutissat oqartussaasunit saqqumiunneqartut naapertorlugit.
Oqartussaasunit nalilerneqarpoq, tunillatsissimasunut qanigsaasut kinaassusersineqarsimasut
- Taamaattumik Nakorsaaneq naliliivoq, Ilulissani tuniluuttoqarnissaanut ulorianartorsiorneq killeqartorujussuusoq, tusagassiuutinut nalunaarummi taama allassimavoq.
Oqartussaasut innutaasunut : Eqqissisimagitsi
Ilulissaniittut tamaasa qinnuigaagut, oqartussaasunit pissutsit paasilluarneqarnissaasa tungaanut eqqissisimaqqullugit.
Innuttaasut inunnut allanut attaveqartarnertik killilersorallartariaqarpaat.
Ingammik inuit Covid-19-mik tunillatsinnermikkut napparsimarujussualersinnaasut.
Tusagassiuutinut nalunaarut naapertorlugu, Ilulilssani tunillatsissimanerminnik ersiutillit Ilulissani peqqinnissaqarfimmut oqarasuaatikkut attaveqaqqullugit kajumissaarneqarput
Innuttaasut ersiuteqanngitsut, aammalu misissortinnissamik oqartussaasuniit qinnuigineqarsimanngitsut Covid-19-imut misissorneqassanngillat, tusagassiuutinut nalunaarummi taama allassimavoq
- Peqqiinnissaqarfimmi isumalluutit inunnik eqqortunik misissuinissamut atorneqarnissaat pingaaruteqartorujussuuvoq. Inuit ataatsimoortut allat misissortissappata, oqartussaasut tamanna pillugu nalunaaruteqarumaarpoq, tusagssiuutinut nalunaarummi taama allassimavoq.