Ilulissat: Arnap 23-nik ukiullip inigisani ikuallatsippaa
Arnaq 23-nik ukiulik ikuallatsitsisimasutut Ilulissani politiit tigusaraat. Inigisaminik nammineq ikuallatsitsisimalluni 23-nik ukiulik nassuerpoq.
Inissiaq arnap najugaqarfia innermit putsumillu ulikkaavissimavoq.
Inissiami ikuallattumi ilaqutariit allat pingasut aamma najugaqarput. Ilaqutariit aappaat ajoquseratik iniminniit qimagussinnaasimapput, allali putsumik iijoraasimavallaarluni napparsimmaviliaanneqartariaqarsimavoq.
Ilaqutariit inissiami najugallit pingajui inigisamiinniit anillassinaasimanngillat, inneq aatsaat qaminneqarmat qimagussinnaasimallutik – tamanna ajortorujussuarmik kinguneqarsimasinnaagaluarpoq:
- Ilaqutariit taakku inuunerat navianartorsiortinneqarujussuartoq oqarsinnaavugut, Ilulissani politiit ittuat, Janus Eigaard oqarpoq.
Arnaq ikuallatsitsisoq sapaatip akunnerini sisamani tigummigallagassanngortinneqarpoq.
