Ilulissap qeqertaasap Nuup illoqarfiatut annertussusillip Tasiilaq avaqquteqqammerpaa

Iluliaq qeqertaasaq, natsinnarsuaq, ilulissat ingerlaarfiinik immap assiliortartoq Tuomas Niskanen atsiullugu taaguuserneqarsimasoq, ilulissatut qeqertaasatut taaneqarpoq, tassami 2 km-inik silissuseqarami 4 km-inillu isorartussuseqarluni.

- Iluliaq qeqertaasaq taanna piffissami kingullermi sinerissamit 25 kilometerinik avasinnerusumiittoq, sikunik nakkutilliivimmeersumeersoq Martin Nissen oqarpoq.

Aquttup Jacob Wedell-Topp-ip DMI-meersup iluliaq qeqertaasaq Niskanen, qaammataasani assilisatigut Tunup sineriaata avataatigut ingerlaarnera, juulip aqqaneq aappaannit juulip 23-annut malinnaavigaa, imalu oqaatigalugu:

- Niskanen ulluni kingullerni 0,5 knobinik sukkassuseqarluni tissukarpoq.

- Nalinginnaanngitsumik ilulissat qeqertaasat taama angissusillit kujammut ingerlaarnerminni Nunap Isua suli uiartinnagu arlalinngorlutik avissinnaasarput, tamaanimi imaq unerisimagajunngimmat.

Sikutarujussuit annertuut takornartaajunnaartut
Iluliaq qeqertaasaq taanna Tunup Avannaani Jøkelbugtenimeersuusimassasoq, Jacob Wedell-Topp isumaqarpoq. Aamma naak Niskanen annertugaluaqisoq, sikutarujussuit annertuut takornartaajunnaartut oqaatigalugu.

- Ukiut tuusintilikkaat nikinnerisa kingorna Tunup sineriaani, Kujataatalu sineriaani sikutarujussuit sermersuup iigartarfiini Zacharie Isbræ-meersut aamma 79-Fjordenip sermianeersut takussaasalerput.

- Tamaangaanniit immat sarfaannit angallanneqarlutik Labradorhavikkoorlutik aamma Davisstrædekkoorlutik ilaat Canadap kangimut sineriaanut annguttartut, DMI-p sikunik nakkutilliisoqarfianit oqaatigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat