Ilulissani toqutsisoqarneranik politiit takunnittunik ujaasipput

Ilulissani inissiarsuarni Atersuarni 42-mi angutip 62-inik ukiullip timaa toqungasoq politiit sisamanngornermi juulip ulluisa 28-iani ullaakkut arfineq-marlunut nassaaraat. 

Angutit marluk kinaassusersineqanngitsut najukkamit opgangikkoorlutik ullaakkut arfineq-marluk missaani ingerlasut takuneqarsimapput.

Takunnittullu politiinut piaartumik nalunaaruteqassasut, politiit tusagassiuutinut nalunaaruteqarlutik allapput.

Aamma atuaruk 33-nik ukiulik Ilulissani toqutsisimasutut unnerluutigineqartoq

A: Angut siulleq 170 centimeterit missaani angissuseqarpoq, 35-t missaani ukiulik tuattuullunilu.
Qaamasunik pisataqarpoq politiillu paasisaat naapertorlugit nujai saamimmut inisseqqallutik.
Tungujortunik qeqqatigut siissartulimmik atallaaqarpoq qaqortunillu timersuutinik kamippaqarluni.

B: Angutip aappaa aamma 170 centimeterit missaani angissuseqarpoq, 35-t missaani ukiulik tuattuullunilu. Taartunik takkajaanik nujaqarpoq taartunillu atisaqarluni.

Angutit pineqartut Atersuit 40- 42-llu akornatigoorlutik najugaqarfik qimappaat.

Pingasunngornermiit juulip ulluisa 27-anit sisamanngornermut juulip ulluisa 28-anut ullaakkut nalunaaqutaq arfineq-pingasut tungaanut pineqartunut takunnissimasut tusagaqarsimasinnaasulluunniit qinnuigineqarput Ilulissat Politiinut saaffiginneqqullugit.

Politiit oqarasuaataat normoraat 70 11 22.