Ilulissani "Teatercafé" ataasinngorpat ammarneqassaaq
Maanna Ilulissani kaffisorlunilu kaagisuutigaluni Ole Jørgensenip Tuukkaq Teaterimi assilisai kusanartut qimerloorneqarsinnaanngorput.
Allattoq Elisa Isaksen
Tassami ataasinngorpat septembarip 28-anni Nunatsinni naalakkersuisut Kulturimut Ullorititaat eqqorlugu, Ilulissani Kulturikkut Illorsuup paarlersuani kaffisorniartarfik "Teatercafé" ammarneqartussanngorpoq.
Aamma Jens Kromannip qalipagai qaammatip uuma naanissaata tungaanut saqqummersitsivimmiittut takuniarneqarsinnaapput.
Kaffisorniartarfik imigassallerfiunngitsoq, ataasinngorpamiit ullaap tungaani nalunaaqutaq quliniit unnukkut arfernup tungaanut ammasassaaq.