Ilulissani spaniamiut filmiliornerat siulleq naammassilerpoq
Spaniamiut filmiliaannut ”Hotel Tivoli”-mut Ilulissani sapaatip akunnerata uuma naanerani filmiliornerit siulliit naammassissapput. Taama allappoq Ritzaus Bureau.
”Hotel Tivoli”-p imarivaa ikitsisip inuttaasalu allanngorartut nunarsuatsinni assigiinngitsuneersut taakkulu inuunerisa oqaluttuassartaat. Ikitsisimik piginnittut ilagaat arnaq qallunaaq, isiginnaartitsisartumit erinarsortartumillu Kaya Bruel-imit inuttaritinneqartoq.
Spaniamiut filmiliortartuinit Filmanova-mit qallunaallu filmiliortartuinit Zentropa-mit filmilioqatigiinnissamik isumaqatgiissuteqareernerup kingorna filmi sananeqartoq siulliuvoq.
Filmiliornermi ilitsersuisuuvoq Anton Reixa, Spaniamilu filmiliaritittartut tusaamasarsuit ilaat Luis Tosar filmimi inuttaritinneqartunut ilaavoq.