Ilulissani sermip nakkaanera annikilliartupiloorpoq

Ilulissani sermep nakkaavia nunarsuarmi tusaamaneqaqisoq ukiuni makkunani sukkasuumik annikilliartorpoq, taama Issittumi pissutsinik Ilisimatusarfik nalunaarpoq.

Issittumi pissutsinut ilisimatusarfimmit oqaatigineqarpoq Ilulissat sermeqarfiata annikilliartornera 1990-kkut ingerlaneranni sukkanerpaasimasoq.

1960-kkunniit siornaak 2003 ilanngullugu qaammataasakkut assilisat naapertorlugit Ilulissat sermeqarfiata killinga 11 kilometerinik tiffariarsimavoq,

Ole Bennike Danmarkip nunattalu nunap sananeqaataanut tunngasunik misissuisarfianeersoq oqarpoq Ilulissani sermip iigartarfiata tiffariartuinnarneranut taavani sikkorluttalernera peqqutaasoq. Ilulissat sermeqarfiat akunnerit 24-it ingerlaneranni 34 meterinik iigartartoq oqaatigineqarpoq.

Ole Bennikep Ilulissani sermeqarfiup sukkanerusumik nakkaalerneranut suna pissutaarpiarnersoq oqaatigiuminaatsipaa, nunarsuarmili silaannaap kissakkiartornera tamatumunnga pissutaanerpaassasoq oqaatigalugu.

- Nunarsuarmi tamarmi sermeqarfiit ukiuni makkunani annikilliartorput, Afrikamilu qaqqartuumi sermeqarfiit ukiualunnguit qaangiuppata nungussimanissaat ilimagineqarpoq, Ole Bennike oqarpoq.

Ilulissat sermeqarfiat nunatsinni sermeqarfinni iigartartuni annertunersaasoq ukiumut 50 kubikkilometerisut annertutigisup missaanik iigartarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat