Ilulissani sapaatip-akunnerata naanerani aallaasersortoqarpoq
apriilip 10-at 2006 10:40
Imigassaq aallaallu ataatsikkoortissallugit ulorianartoq, angutip 43-nik ukiullip Ilulissaneersup uppernarsivaa. Ilulissani politiit arfininngormat unnukkut qulingiluat qeqqata missaani kalerrinneqarput, angut aalakoortoq umiarsualiviup eqqaani sumut tamaanga igittaqattaartoq.
Aappariit biilimik iluanni issiasut angutip 43-nik ukiullip aamma ummiussimavai. Aappariilli ajoquseratik erniinnaarlutik qimaasimapput.
Angut kinguninngua tigusarineqarpoq isertitsivimmilu unnuisitaalluni.
Illoqarfittut illuliorfigisami aallaasersorsimasutut politiit peqqussutaat malillugit angut maanna unnerluutigineqarpoq. Aappariinnut sioorasaarisimasutut aamma unnerluutigineqarpoq, aamma politiimut oqaatsit atorlugit sioorasaarisimasutut unnerluutigineqarluni.
