Ilulissani pissaaneqarniupput

Ilulissat Kommuneanni pissaaneqarniuttoqarsinnarpoq. Inuit Ataqatigiit Kattusseqatigiit Partiiannik, taamalu borgmesterimik Anthon Frederiksenimik suleqateqarnertik sapaatip-akunnerata kingulliup naanerani taamaatippaat. Tamanna killigalugu Inuit Ataqatigiit aamma Kattusseqatigiit Partiiat Siumumik suleqatiserinninnerat aallartippoq.

Siumut Inuit Ataqatigiinnik Kattusseqatigiit Partiiannillu ippassaq ataatsimeeqateqarpoq, neqeroorutaasinnaasunik paasiniaalluni.

Siumup gruppea ippassaq unnukkut aalajangerpoq, Kattusseqatigiit Partiiannik suleqateqarsinnaanani, tamannalu pillugu nalunaaruteqassallutik. Ilulissani Siumup siulittaasua Palle Jeremiassen ippassaq ima oqarpoq:

- Kattusseqatigiit Partiiata ullaatungaa ataatsimeeqatiginerani Anthon Frederiksenip nammineerluni saqqummiuppaa, kattuffimminninngaannit immikkoortortaqarfimminninngaanniillu piumasarineqarsimasoq, inatsisartuni ilaasortaaginnassalluni. Tamannalu ataqqigamiuk borgmesteritut tunuarsinnaaneranut tunngasut oqaluuserissallugit ajornakusuulaartillugit, taamaakkaluartorli oqaloqatigiissutigineqarsinnaasoq. Palle Jeremiassen nassuiaavoq, nangipporlu:

- Maannali nalunaaruteqarpoq, borgmesterip inatsisartuni tuniarniuteqarnissani sulissutigissagaa. Taamaattumik paasiuminaappoq, sumi taakku inissisimanersut. Palle Jeremiassen apeqqusiivoq.

Ilulissani Siumup siulittaasua Palle Jeremiassen ippassaq taama oqarpoq.

Siumut Inuit Ataqatigiinnik isumaqatigiinniarnissaq siunertaralugu ullumi oqaloqateqassaaq. Partiit taakku marluk kommunalbestyrelsemi katillugit arfineq-pingasunik ilaasortaatitarput, Kattusseqatigiit Partiiat tallimanik ilaasortaatitaqartoq.

Siumut Inuit Ataqatigiillu taamaalillutik ataatsimiititaliani ilaasortaaffinnik amerlanerussuteqartunik tigusisinnaapput anguniakkaminnillu sulissutiginnissinnaallutik.

Borgmesterili imaaliallaannaq taarserneqarsinnaanngilaq, kommunit aqunneqarnerannut malerugassat naapertorlugit qinigaaffik naallugu borgmesteriuffiusarmat.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat