Assi: Kalaallit Airports A/S

Ilulissani Nuummilu mittarfiliornissanut Munck A/S toqqarneqartoq

Nuummi Ilulissanilu mittarfinnut suliniutit ukiuni pingasuni piareersarneqareerlutik suliarineqalerput, mittarfiliornissanut aqqusinniornissanullu sanaartornissamut qallunaat ingerlatseqatigiiffiat, Munck Gruppen A/S toqqarneqartoq, Kalaallit Airports A/S nalunaaruteqarpoq.

Nuummi Ilulissanilu mittarfinnut suliniutit ukiuni pingasuni piareersarneqareerlutik suliarineqalerput, mittarfiliornissanut aqqusinniornissanullu suliassat qallunaat ingerlatseqatigiiffiannut Munck Gruppen A/S-imut suliassat tunniunniarlugit, Kalaallit Airports A/S-ip siulersuisui sisamanngornermi ataatsimiinnerminni aalajangeraat, Kalaallit Airportsimi pisortaaneq, Peter Wistoft tusagassiutinut nalunaaruteqarpoq.

Suliffeqarfiit pingasut neqerooruteqarsimasut tassaapput:
Hollandimeersut, BAM International, Danmarkimit Munck Gruppen A/S aamma Canadamit Pennecon Dexter Joint Venture. Danmarkimeersullu toqqarneqarlutik.

Siulersuisut aamma aalajangerput mittarfinnut marluusunut isumaqatigiissut Munck Gruppen A/S-imut tunniunniarlugu, taakkua neqeroorummik pitsaanerpaamik tunniussaqarsimasut, Kalaallit Airportsimi siulersuisut nalunaaruteqarput. 


Isumaqatigiissutit aggustimi atsiorneqassasut
Isumaqatigiissutit inissivinnissaannut atatillugu juulip ingerlanerani isumaqatigiinniutigineqassapput, isumaqatigiissutillu Nuummi aggustimi atsiorneqarnissaat pilersaarutaalluni. 

Suliffeqarfillu Munck Gruppen A/S sulianik aallartisaaniarnermi pisariaqartunik suliaqalereerpoq, mittarfinnilu marluusuni aallarniutaasumik sanaartornerit 2019-imi ukiakkut aallartinneqassapput. Nuummilu sulineq aallunneqarnerpaagallassaaq, 2020-milu upernaap ingerlanerani, Ilulissani sanaartornermi suliat annertusarneqassallutik.

Kalaallit Airportsip mittarfiliortiternissanut atatillugu aningaasaliisoqarnissaa pisariaqartippaa, taamaattumik suliffeqarfik katillugit 900 milliuunit koruuninik taarsigassarsivoq - 450 milliuunit koruunit qallunaat naalagaafianeersuupput sinnerilu 450 milliuunit koruunit Den Nordiske Investeringsbankimeersuullutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat