Ilulissani nualluuttoqangaarmat atuarfik inuerutingajappoq
Ilulissani nakorsaaneq Eskild Boeskov isumaqarpoq, H1N1 massakkut naappaataanerpaaffissaminiittoq.
- Inuppassuarnit siarnguttunit saaffigineqartuarpugut ullut tamaasa, tamakkulu nualluuteqarnerup ilisarnaataanik malussarsimasuupput.
Nualluut H1N1-iunersoq apeqqutigineqarmat Eskild Boeskov akivoq:
-Suli maannakkut naluarput, H1N1-p ilisarnaataatut isikkoqarpoq aamma nualluutip nalinginnaasup ilisarnaataatut malunnarluni. Niaqorlunneq, toqqusaarlunneq, quersorneq kissarneqarujussuarnerlu.
Nualluut nunatsinni siaruaativissorsimasutut oqaatigineqarsinnaanerluni:
- Aap tamaappoq, nualluut siaruavissorsimasuuvoq. Pisoq immikkut ippoq, tassa ukiuni arlalinni taamaatut malugisaqarneq ajorpugut. Massakkulli amerlasoorsuit nualluupput. H1N1-iuivinnersoq uppernarsaatissaqartinngilarput, tassa misissugassat tigusartakkatta takutinneq ajorpaat nualluut taannaanersoq, kisianni isumaqarpunga H1N1-iusoq Eskild Boeskov oqarpoq.
Kisitsit takusinnaasani naapertorlugit isumaqarpoq, nuallunneq qaffasinnerpaaffissaminiittoq, nualluttullu arriitsumik ikiliartoqilissangatillugit. Ajorseqqiarsinnaanerarpaa kisianni, -Isumaqarpunga ajornerpaaffissaa massakkut angusimaleripput.