Ilulissani nalliuttorsiualaarput
Perorsaasunngortut ukiuni pingasuni affarmilu ilinniareerlutik, ilinniarnermillu nalaani marloriarlutik sulinermik misileereerlutik rektorimit Nuka Kleemann-imit naammassinerminnut uppernarsaammik tunineqassapput.
Perorsaasunngortut misilitsinnerminni angusarissaarsimaqaat, agguaqatigiissillugu karakteriat 9,1-iulluni.
Nunarput perorsaasunik ilinniarsimasunik 300-nik maanna amigaateqarteqartoq, taamasilluni perorsaasunik pikkorissunik 16-inik pisuunnguallappoq.
Nalliuttorsiornermi ilinniartitaanermut naalakkersuisoq Tommy Marø, Ilulissat borgmesteriat Anthon Frederiksen aamma Perorsaanermik Ilinniarfiup ilinniartitaanermut siunnersuisoqatigiivinit Carsten
Colding-Jørgensen oqalugiassapput.
Perorsaasunngortut allagartartaartinneqareerpata kaffillertoqassaaq unnugulu nerersuaaqatigiittoqassalluni.
Nunami ilinniagalinnik pisariaqartitsiffioqisumi allagartartaartut sulilluarnissaannik kissaallugit uaguttaaq KNR-imit pilluaqquagut.
