Ilulissani isumaqatigiissut pillugu ulapittoqarpoq

Ilulissani isumaqatigiissut malunnartillugu ulapittoqarpoq.
maajip 23-at 2018 21:02
Nutserisoq Jaaku Lyberth

Ilulissani isumaqatigiissutip siunertaata tassalu issittoq pineqartillugu eqqissisimasumik toqqissisimasumillu oqaloqatigiittarnissap attatiinnarneqarnissaa, issittumi siunnersuisoqatigiinni ilaasortat aallartitaasa akunnerit 24-it atorlugit uppernarsaqatigiipput.

Naalaagaaffiit Issittumi Siunnersuisoqatigiinni ilaasortat arfineq pingasut aallartitaat 50-it missaannik amerlaatigisut, Ilulissani Isumaqatigiissutip ukiunit qulinngortorsiorneranut peqataapput.

Tikeraat Ilulissani tikiinnarlutik toqqaannartumik nunaqarfimmut Ilimanamut aallarput.

Tassani tikeraanut uppernarsarneqarpoq , avataaniit aningaasaliinerip aningaasatigut ineriartortoqarsinnaanera uppernarsarneqarluni.

Takornariat illuarassaat 15-it Realdaniamit tapiiffigineqartut, aamma Poul Egedep illorsuarisimasaa nutarterneqartoq, issittumi naalakkersuisut aallartitaannit aamma Issittumi Siunnersuisoqatigiit aallartitaannit takuniarneqarput, tassanilu uppernarsarneqarpoq innutaasut suleqatigalugit.

Takornariaqarnerup ineriartortinneqarsinnaanera. Issittormiut eqqissineq pigiinnarusuppaat

- Maajip qaammataani ukiormanna Ilulissaniinneq ukiuni tulliuttuni qulini eqqissineq qulakkeertussaavaa, danskit nunanut allanut tunngasunut ministeri Anders Samuelsen oqarpoq.

- Uani ataatsimiinnermi qulakkeertussaavarput allat ajattornagit ilaatinneqarnissaq pingaarnerutinneqarluni.

Kikkut tamarmik sinniisuutitaqarlutik aallartitaqarnissaat taakkua oqaaseqarsinnaallutik pingaartitaminnillu oqaluttuarsinnaanissaannik, Samuelsen KNR-imut taama oqarpoq. .

Ilulissani isumaqatigiissut 2008-mi atsiorneqarneranit ukiormanna peqataasut amerlanerupput.

2008-mi Ilulissani isumaqatigiissut atsiorneqarmat, naalagaaffiit sineriallit tallimat, DK / Kalaallit Nunaat, Norge, Rusland USA aamma Canada taamani peqataapput.

Nunanut allanut tunngasunut Naalakkersuisup Vivian Motzfeldtip pingaartippaa, Ilullissani isumaqatigiissut siunissami eqqaamaneqarnissaa pingaartuummat.

- Qujamasuppunga nunat Issittumi Siunnersuisoqatigiinni nunat ilaasortat ,ICC aamma Samit siunnersuisoqatigiivi uani naapinnermi uppernarsarmassuk eqqissilluni suleqatigiissinnaanermut periutsit tamakkiisumik tapersersormatigit.

Marlunngornermi unnukkut, Nunanut allanut tunngasunut Naalakkersuisoq Vivian Motzfeldt (S) aamma Danskit nunanut allanut tunngasunut ministeriat Anders Samuelsen, pisortatigoortumik akunnittarfimmi Hotel Arcticimi nereqatigiinnermi qaaqqusisuupput.

Pingasunngornermi ataatsimeersuarnermi ataatsimeeqataasut tamarmik issittumut attuumassuteqarnertik pillugu, minutsinni tallimat oqalugiarput, taakkununnga ilaallutik ICC aamma Samet siunnersuisoqatigiivini aallartitat.

Oqalugiartut pingaartillugit saqqummiussaanni ilaatigut nungusaataanngitsumik nukissiuuteqarneq inuussutissarsiutitigut ineriartorneq, naalagaaffiit killeqarfiisa eqqissisimasumik aalajangiiffigineqartarnerat,

Issittup imartaani aalisarneq tassungalu atatillugu issittup imartaani umiarsuartigut angalannerit oqaluuserineqarput.

Ilisimatuut marluk ujarassiooq Minik Rosing sermeq pillugu ilisimatooq Jason Box saqqummiussereermata,

Ilulissani isumaqatigiissut pillugu eqqaassutissaq uleerneqarpoq tamatumalu kingorna Ilulissani isumaqatigiissut pillugu ataatsimeersuaqataasut .

Eqqaassutissaq kommunemut tunniunneqartussaavoq.