Ilulissani ippassaq aaqqissuussineq
Ajunaarnersuarmut aaqqisuillutik katersisut sapaatip akunnerata naanerani katersuiniarsuataarput.
Sisimiuni ullumi illumiit illumut kasuttoqattaarlutik katersuiniarput, tassuugulu timersortarfissuarmi aaqqissuussineq pisoqarfiusaqisoq ammassaaq. Timersortarfiup silataani kusanarunaqisunik ikumatitanik ikkussuisoqarpoq, aaqqissuussinermi kinamiu erinniarsuarnik erinarsortartoq erinarsussaaq, Peter Alauffesen aamma aliikkusersuissaaq, allarpassuarnillu aamma nuannersunik pisoqassasoq Agnes Johnsen radioaviisimut oqarpoq.
Ilulissani ippassaq aamma aaqqissuusisoqarpoq aningaasallu 20.000 koruunit missaaniittut isiginnaarianit tunniunneqarsimapput, aningaasartuutillu peeriarunik 15.000 koruunit ajunaarnersuarmut ikiuutitut tunniunneqassapput.
Nammineq pimassutsiminik aaqqissuussisoq Godmand Filemonsen radioaviisimut oqarpoq ugguarsimallutik timersortarfissuaq atorsimannginnamikku, inuit 600-t missaaniittut Sermermiunut ussassimagamik, inuillu ilai utiinnartariaqarsimapput inissaqarsimannginnamik.
