Ilulissani Inuit Ataqatigiit Kattusseqatigiillu suleqatigiinnerat unippoq

Ilulissani Inuit Ataqatigiit Kommunalbestyrelsimi Kattusseqatigiit Partiannik suleqateqarnertik ippassaq 26. november taamaatippaat.

Suleqatigiinnermik kipitisitsineq peqquteqarpop suleqatigiinnissamut isumaqatigiissut apriilimi 2005 -imi kommunimut qinersinerup kingorna atsioqatigiissutaasimasup imarisaani, ilaatigut borgmester Anhon Frederiksen inatsisartunut qinigaaffiup naammaaseqqammersup naanerani inatsisartuni sulinini taamatillugu borgmesteritut inuttaasunut tamakkiisumik sulliisinissani neriorsuutigisimasani eqquutitinngikkaa, taama Ilulissani Inuit Ataqatigiit siulersuisui sinnerlugit Niels Jerimiassen tusagassiutinut allappoq.

Anthon Frederiksen oqarpoq inatsisartunut qinigaassaaguni borgmesterisut tunuarnissi neriorsuutigisimanagu:

-Isumaqatigiisummi 8. apriilimi atsiorneqartumi minnerpamilluunniit inatsisartunut qnigassanngortissanersunga imaluunniit qinigassanngortissannginnersunga allaganngorluni allaqqanngilaq, Anthon Frederiksen oqarpoq.

- Inuit Ataqatigiit namminneq qanoq iliornertik akisussaaffigissavaat, uagullu iliuuseqarsinnaanngilagut, taamaattumik uagut allanik periarfissarsiussaagut.

Anhon Frederiksen oqarpoq borgmesterisut qinigaaffik tamaat issiaannarsinnaalluni.

-Aqutisnermi inatsit malillugu uanga borgmsterisut issiaannarsinnaavunga.

Anthon Frederiksen oqarpoq maanna Inuit Ataqatigiit suleqqtigisinnaajunnaaramikkit Siumut assammik isaassiffigalugu.

Katuusseqatigiit Ilulissat kommunalbestyrelsiani inunnik taalimanik ilaasortaatitaqarput, Inuit Ataqatigiit marlunnik kiisalu Siumut tallimanik ilaasortaatiqarlutik. Ilulissani Inuit Ataqatigiit siulittaasuat Niels Jerimiassen oqarpoq aqagu Siumukkut nalunaaqutaq qulinut naapissallugit isumaqatigiissuteqarsimallutik