Ilulissani imeq imigassaq klorimik akoqarpallaartoq
Imeq pisarnerminit klorisunninneruppat innuttaasunit imerneqassanngitsoq nunatta nakorsaanerata avatagiisinullu naalakkersuisoqarfiup tusagassiuutinut nalunaarummi innersuussutigaat.
Nukissiorfiit ajoquserneq iluarsiniarlugu sulipput, aammalu ajornartorsiutip aqagu pingasunngornermi 6. januaarimi ilusarsineqasimanissaa naatsorsuutigineqarpoq.
januaarip 05-at 2021 18:10
Ullumi marlunngornermi 5. januaarimi teknikkikkut ajoqusertoqarnera peqqutigalugu, Ilulissani imilerivimmi imeq imigassaq klorimik annertuallaamik akuneqartoq Nukissiorfiit nalunaarutigaat.
Nakorsaaneq isumasioqatigereerlugu Ilisimatusarnermut Avatangiisinullu Naalakkersuisoqarfik inassuteqarpoq, imeq pisarnerminit klorisunninneruppat innuttaasunit imerneqassanngitsoq. Naak imeq pisarnerminit klorimik akoqarnerulaaraluarsinnaalluni peqqissutsimut ulorianaateqanngilaq.
Naalakkersuisut tusagassiuutinut allapput.
Nukissiorfiit ajoquserneq iluarsiniarlugu sulipput, aammalu ajornartorsiutip aqagu pingasunngornermi 6. januaarimi ilusarsineqasimanissaa naatsorsuutigineqarpoq.
