Ilulissani ilaqutariinnut sullissivik piareerpoq

Qaasuitsup kommuniani ilaqutariinnut sullissivissaq Ilulissani siornali sanaartorneqartoq maanna piareerpoq. Tassani tarnip pissusaanik ilisimasallit, tarnikkut katsorsaasartoq, perorsaasut isumaginninnermilu siunnersortit Qaasuitsumi ilaqutariinnut assigiinngitsutigut sullissilissapput. - Tassa ilaqutariit pisariaqartitatik torernerusumik suliarisinnaasalissavaat, taanna isumaqarpunga iluaqutaasinnaassasoq, Malene Biilmann Ilaqutariinnut sullissivimmi pisortaq oqarpoq.

- Ajunngeqaaq aamma alutornaqaaq aamma pitsaagunaqaaq sullissinialerutta inini taama annertutigisuni inissaqartitaalluta, Malene Biilmann Qaasuitsup kommuniani ilaqutariinnut sullissivimmi pisortaq Ilulissani sullissiviup allilerneqarluni naammassineqartup inernera pillugu taama oqarpoq. 

Tarnip pissusaanik ilisimasallit, tarnikkut katsorsaasartoq, isumaginninnermi siunnersortit, pinaveersaartitsisut perorsaasullu tamaani sulisorineqarput, Qaasuitsullu kommuniani inunnik isumaginnittoqarfimmit innersuussat  Ilaqutariinnut sullissivimmit sullinneqartassapput.

- Tassani itinerusumik ilaqutariit pisariaqartitatik, tuaviortumiinngitsoq torernerusumik suliarisinnaasalissagaat  nammineq peqataaffigilluakkaminnik, taanna isumaqarpunga iluaqutaasorujuussasoq, Malene Biilmann ilaqutariinnut sullissivimmi pisortaq oqarpoq.  Ilulissani ilaqutariinnut sullissivimi sulisut sisamat Qaasuitsumi tamani sullissillutik angalasartussaapput. 

- Ilaqutariit ataasiakkaarnagit kisianni ataatsimoortillugit sullittussaagatsigit, taamaasilluni ataatsimut kivitseqatigiilluta ilaqutariillu taanna ajornartorsiut aningorniartussaagatsigu, Malene Biilmann oqarpoq.

Qaasuitsup kommuniani ilaqutariinnut sullissivik pisortatigoortumik decembarip pingajuanni ammaanersiorneqassaaq

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat