Ilulissani erinniarsuarnik tusarnaartitsisalerniarput

Erinniarsuarnik tusarnaartitsinerit Ilulissani aallartisarneqalerput. Kaperlaap qaangiunnerata nalaani seqerngup nuisalernerani januaarip qaammataani tusarnaartitsisarnerit ukiut tamaasa pisartussatut pilersaarutigineqarpoq.
Allattoq Jaaku Lyberth
septembarip 14-at 2009 07:46

Erinniarsuarnik tusarnaartitsisarneq taaguuteqartinneqassaaq avannarpasissuseq "69,13 Classic", nunarsuup avannarpasissusiani Ilulissat inissisimanerat taaguusiullugu. Atuagagdliutini tamanna allaaserineqarpoq.

Tusarnaartitsinerit arfinillit ingerlanneqartarnissaat pilersaarutigineqarpoq, nipilersortartunik, erinarsortartunik erinnanillu oqaluffinni tusarnaartitsissutigineqartartunik tusarnaartitsisoqartassalluni.

Erinniarsuarnik tusarnaartitsinerit ingerlanneqarneranni oqaluffinni pattattartut, organistit, sapaatip-akunnerani ataatsimi ilinniartinneqartassapput. Aamma Ilulissani atuartut innuttaasullu utoqqasaajunerusut tusarnaartitsisarnissaat pilersaarutigineqarpoq.

Ilulissani erinniarsuarnik tusarnaartitsisarnissat nipilersoqatigiinnik aqutsisartumit Niels Borksandimit, provstimit Christian Tidemandimit Hotel Arcticillu pisortaanit Erik Bjerregaardimit isumassarsiaapput sulissutigineqarlutillu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq