Ilulissani borgmesterip illussaa piareersimavoq

Avannaata kommunessaani Ilulissat borgmestereqarfissatut aaliangiunneqarpoq. Borgmesterinngortussallu ikaarsaariarnermi ataatsimiititaliap siulittaasuata Qasigiannguaneersup Jess Svanep illu atugassiissutigineqartoq angerlarsimaffittaarissaneraa aaliangiunneqanngilaq.
maajip 06-at 2008 12:14

- Taanna oqaatigerusunngilara, kisianni Ilulissat borgmesterip allaffeqarfissaatut inissiivigineqarnerminni neqeroorutigisaat ilaqarpoq borgmesterip angerlarsimaffissaanik angerlarsimaffigigallassaanilluunniit. Kingusinnerusukkut ersarissiumaarpoq borgmesteri Ilulissanut nuuttariaqarnersoq, kisianni borgmesterip atorfinittani qaninnerit peqatigalugit Ilulissat suliffigisussaavaa, Avannaani ikaarsaariarnermut ataatsimiititaliap siulittaasua Jess Svane oqarpoq.