Ilulissani biilit arlallit tillinneqartut
Angut 17-nik ukiulik Ilulissani biilinik sisamanik aallarussivoq.
Allattoq Noah Mølgaard
Suliffeqarfiit biilii pingasut kiisalu nammineq pigisaq ataaseq aallarunneqarput angut 17-nik ukiulik tallimanngornerup arfininngornerullu unnuaani aallarusseqattaarmat.
- Angutip 17-nik ukiullip pisut tamaasa nassuerutigai. Maanna aaversinneranit akissutissat utaqqineqarput imigassartorsimanersoq paasiniarneqarmat, taama Ilulissani politiini ulluinnarni aqutsisoq Flemming Lauritzen KNRimut taama oqarpoq.
Biilinik aallarussisimasoq alla aamma tigummigallagassanngortinneqarpoq. Taanna tigummigallagassanngortinneqarpoq siusinnerusukkut pinerluutigisimasani pillugit suli pineqatissinneqarnini naammassisimannginnamiuk.