Ilulissani biilerpassuit

Nunatsinni biilit pitsaasuussappata misissuinerit akulinnerusariaqarsorineqarput.

Ilulissani biilerpassuaqaleriartornera malunnarpoq. Mekanikerillu isumaqarput biilit misissorneqartarnerat qaqutiguuallaartartoq.

- Ullumikkut ukiut tallimakkaarlugit biilit misissorneqartarput, tamannalu akuttuallaarpoq, taama Qanoruumut oqarpoq, biililerisoq Johnny Poulsen

- Ukiut pingasukkaarlugit sisamakkaarlugilluunniit biilit misissorneqartaleraluarpata biilit ajunnginnerujussuanngussagaluarput, oqarpoq.

Politeeqarfimmi pisortaq Janus Eigaard ilisimatitsivoq biilit misissuiffigineqartarnerinut allannguutissat politeeqarfimmi misissorneqartoq.

- Nalinginnaasumik angalaarnermi biili pissusissamisuunngitsoq takuneqariataarsinnaasarpoq, biililu ingerlaannaq unitsittarparput. Biilertorlu sapaatip- akunnerata ataatsip ingerlanerani aaqqiinissaanik peqquneqartarluni, Janus Eigaard oqarpoq.

Ajorpallaaraangatali iluarsisassat piaarnerpaamik iluarseqquneqartartut erseqqissaavoq. Ajornerpaasarporligooq normuplade ingerlaannaq peerneqaraangat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat