Atornikuerniarfik nutaaq nunasiaataanerup nalaani illumi sanaartukkami umiarsualivimmut aqqutaaniippoq, Sparillu pisiniarfiata qulaani ”Pisiniarfitoqatut” ilisarimaneqarnerusumi, quleriaanni siullermiilluni. Asseq toqqorsivimmeersoq, KRK-p Nuummi pisiniarfiutaaneersuuvoq.Assi: Malene Lynge

Kalaallit Røde Korsiat Ilulissani atornikuerniarfik nutaaq ammalersoq

Kalaallit Røde Korsiat Ilulissani atornikuerniarfimmik nutaamik juullertinnagu ammaassaaq.

Røde Kors Ilulissani ukiuni 40-ni immikkoortortaqarfeqarfik, siusinnerusukkullu atornikuerniarfimmik ingerlatsinikuusimalluni.

Atornikuerniarfiulli illutaa ajorlunilu akisummat 2018-imi juunimi matuneqarsimasoq, Ilulissani immikoortortaqarfimmit, Mette Bank Jakobsen oqarpoq.

Atornikuerniarfilli nutaamik naleqquttumik 150 kvadratmeterimik annertussuseqartumik annertugisassaanngitsumillu attartornermut akiliutertalimmik Ilulissani Pisiffiup ikiuunneratigut illussarsivoq.

Atornikuerniarfik nutaaq nunasiaataanerup nalaani illumi sanaartukkami umiarsualivimmut aqqutaaniippoq, Sparillu pisiniarfiata qulaani ”Pisiniarfitoqatut” ilisarimaneqarnerusumi, quleriaanni siullermiilluni, Ilulissani Kalaallit Røde Korsiat allappoq.

Røde Korsip Ilulissani innuttaasut pisiniarfimmi nutaami akikitsunik atisanillu meqqigissaartunik juullertinnagu neqeroorfigisinnaalissavai, tamatuma saniatigut illu pisinianut namminerlu kajumissutsiminnik ikiuuttunut ornikkuminartuussasoq, peqatigiiffik allappoq.

Atornikuerniarfiulli ammarnissaanut ininik piareersaanissamut nammineq kajumissutsiminik ikiuuttoqarnissaa pisariaqarpoq.

KRK-mi nammineq kajumissutsiminnik ikiuuttoqartareerpoq, amerlanerusulli pisariaqartinnissai naatsorsuutigaa. Saaffiginnittut tamarmik tikilluaqqusaallutillu qujarunneqassapput, KRK Ilulissat allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat