Ilulissani ajunaartoq
Alianartumik ajunaarnikkut angut 42-nik ukiulik sapaatip ullaassaani Ilulissani ajunaarpoq.
- Angut angallammiit angallammut allamut sikukkut ikaarniartilluni nakkarsimavoq, Ilulissani politeeqarfimmi ulluinnarni aqutsisoq Karl Vinther KNR-imut oqarpoq.
Angut sapaammi ullaakkut qulingiluat missaanni nassaarineqarpoq. Misissorneqarmallu paasinarsivoq sapaatip ullaassaanni ajunaarsimasoq.
- Umiarsualivimmi siku ulorianartorujussuuvoq. Issorpasissinnaagaluarpoq, kisianni umiarsualivimmi angalatit ingerlaartuarmata quppaqartiterpoq. Taamaattumik sikukkut angalaneq ulorianartorujussuuvoq pingaartumik unnuakkut, Karl Vinther oqarpoq.