Ilulissani aamma naqinnernik ilisarinnissinnaalersitsiniarput

Naqinnernik ilisarinnissinnaanngitsunik ilinniartitsineq iluatsilluartoq nanginneqartariaqarpoq. Taama isumaqarpoq Claus Jochimsen Ilulissani Piareersarfimmi pisortaq.
Allattoq Janus Maqé
apriilip 15-at 2010 15:09

Naqinnernik ilisarinnissinnaanngitsunik Qeqertarsuarmi Piareersarfimmi milisiilluni atuartitsineq ippassaq radioaviisimi oqaluttuarineqarpoq.

- Qeqertarsuarmi Piareersarfiup aallartissimasaa isumassarsiatsialaasoraarput assut kusanarpoq, Claus Jochimsen nersualaarivoq.

Ilulissani Piareersarfimmi 50-t missaannik ilinniartoqarpoq. Ilinniartut ilai atuarsinnaanermik allassinnaanermillu ajornartorsiuteqarput - ilinniagaqarsinnaagaluarnerinut akornutaasumik.

Ajornartorsiuterpiaasoq tassaavoq atuarsinnaannginnamik naqinnerillu paasisinnaanagit.

- Imaanngilaq ilinniartut sianiitsuusut, atuarsinnaanngiinnartunukua. Soorlu isumannaallisaanermut tunngasut atuarsinnaanngikkaanni, tamanna ajornartorsiutaasorujussuuvoq, Claus Jochimsen nassuiaavoq.

Isumaqarpoq atuarnermik allassinnaanermillu ajornartorsiuteqarneq sineriak tamakkerlugu takussaasoq. Aamma isumaqarpoq inuiaqatigiinni 7 procentit missaasa ajornartorsiutaat kommunit inuiaqatigiillu iluarsissallugu pisussaaffigigaat.

- Piareersarfinni ilinniartitsinermik ingerlatsisoqassappat ilinniartitsisinnaasut pisariaqartinneqartut, taakkulu nassaarineqarsinnaalluarsinnaasorai, kommunit suleqatiginerisigut, Claus Jochimsen oqarpoq.