Iluliarujussuit nakkaatinneqartut
Taamaalisoqarsinnaaneralu ilisimatuut taamaasillutik uppernarsarpaat.
Aviisip Ingeniørenip nittartagaani tamanna atuarneqarsinnaavoq. Taamaalisoqarsinnaanera qangalili oqaluuserineqarlunilu eqqoriarneqartarsimavoq, ilisimatuulli Amerikamiut avataarsualiartitsisarfianneersut, NASA Goddard Space Flight Centerimeersut, iluliarujussuit Sikuiuitsoq Kujalliup ilaannit ukiuni 46-ni iigartarfiusimanngitsumit iigarmata tamanna upernarsisippaat.
Nunaminertarmi Sikuiuitsoq Kujallermiittoq taanna Japanimi nuna sajummat tassaarsuarmit kingorna eqqorneqarpoq.
Ilisimatuut paasisatik atuagassiami Journal of Glaciologymi saqqummiuppaat.