Innaarsuit: Iluliaq 500-600 meterillu tungaannut nikissimasoq
Innaarsuit eqqaanniittoq Iluliaq anoraasuarnerata ulinneratalu nunaqarfimmiit ungasillitigangaatsiaraa, politiit paasissutissiipput.
Allattoq Kenneth Elkjær
juulip 14-at 2018 10:40
Upalungaarsimasut politiillu alapernaarsuummit, Knud Rasmussenimit nunaqarfimmiumillu assinik nutaanik, Ilulissap qanoq nikitsigisimaneranik naliliilluaqataasussanik arfininngornermi ullaakkut utaqqimaarput.
- Kommunefogdi naapertorlugu iluliaq 500-it 600 meterillu akornanni avannamut, nunaqarfik qimallugu nikissimavoq, pigaartut pisortaat, Aqqaluk Petersen oqarpoq.
Nunaqarfimmi upalungaarsimasut killilersuinerat atuutiinnassanersoq, Avannaata Kommuniani upalungaarsimasut maanna nalilertussanngorpaat.
Sumiiffimmi tallimanngornermi sakkortuumik anoraasuartussaasoq silassamut ilimasaarutigineqarsimavoq. Tamatumalu ulinnerpaaffiatalu ataqatigiissinneratigut iluliarsuaq nunaqarfimmiit ungasillivoq.