Iluliapiluunersuaq kaannganngersaavoq
Iluliarujussuaq taanna Umimmaat Nunaata akiani Petermann Gletcherimeersuuvoq. Tamaani qupparujussuaqalersimavoq kilometerimik ataatsimik silissusilimmik 12 kilometerinillu takissusilimmik. Canadamiut sermersuarmik ilisimasallit isumaqarput, siku nikeriaqqippat iluliarsuapiluunersuaq kaanngarumaartoq.
Iluliarsuapiluunersuaq sermersuarmiit aggornani kaanngassaguni taava 160 kvadratkilometerisut angitigissaaq, ilimagineqarlunilu sarfaq malillugu Nares Strædikkut Davisstædemut ingerlaassasoq.
Ukioq ataasingajak qaangiuppoq Nunatta avannaani iluliarsuapiluunersuaq kaanngarmat. Iluliarsuaq taanna 1.300 kvadratkilometerisut annertussuseqarnerarneqarpoq. Maanna - ukiup ataatsip qaangiunnerani - iluliarujussuaq taanna 12 kvadratkilometerisut annertussuseqarpoq, maannalu Nunavummi illoqarfiit pingaarnersaata Iqaluit pulammagiaaniilluni.
