Kommuninik iluarsaaqqinnissamut naalakkersuisut siunnersuutaat Inatsisartuni novembarimi aappassaaneerlugu oqaluuserineqassaaq.
Oqallinnerli qanorluunniit inerneqassagaluarpat, apeqqutit arlallit piareersarneqartussaapput, kommunit kattussuunnissaat sapinngisamik akornuteqanngitsumik ingerlanneqarsinnaaqqullugu.
Taamaammat Kalaallit Nunaanni Kommuneqarfiit Kattuffiata, KANUKOKA-p, aaqqissuussaanermut aningaasaqarnermullu allattoqarfia missiliuusiorsimavoq, piffissanik suliassanillu pilersaarusiamik.
Kommunit nutaat kattussukkat maajip ulluisa aallaqqaataanni 2009-mi atuutilernissaannik naalakkersuisut siunnersuutaannik taanna tunngaveqarpoq.
Piareersarneq sisamanngorlugu agguataarneqarsimavoq, tassaasunik:
Tungavissanik erseqqissaaffik – Pilersaarusiorfik – Aalajangersaaffik aamma Naammassinniffik.
Pilersaarutit KANUKOKA-p nittartagaanut iliorarneqartuartassapput, taamaalillutik kommunit nittartakkami malinnaasinnaassallutik, soorlu politikkikkut aalajangernernut, aningaasanut tunngassutilinnut, soorunalumi aamma siunnersorneqarsinnaassallutik.
Pilersaarusiaq siulleq kommunini atorfilinnut ulluni makkunani aamma tunniussuunneqassaaq.