Iluanaarutaanissaa kisimi pineqanngilaq

Air Greenlandip Narsarsuup Københavnillu akornanni aqqummut 34 procentimik akitsuiniarnera pillugu Qaqortumi inuussutissarsiornermut tunngasunik Oqallittarfik Namminersornerullutik Oqartussanut piumasaqaateqarpoq.
Allattoq Elisa Isaksen
marsip 19-at 2008 16:52

Namminersornerullutik Oqartussat Kujataanut angallannermik ingerlalluartumik eqqortumillu akeqartumik qulakkeerinninnissamut akisussaassuseqartariaqarput. Aamma inuussutissarsiornermut oqallittarfiup Kujataanut timmisartuussinerup allatigut aqqutissiuuunneqarnissaata misissuiffigeqarnissaa kajumissaarutigaat.

Nukingernartumik ataatsimiigiaqqusereerlutik taama nalunaaruteqarput.

- Nalunngilarput Kujataanut timmisartukkut angallassineq iluanaarfiungaarneq ajortoq, kisianni iluanaarfiunissaa kisimi pineqanngilaq. Tamaanili najugallit sullinneqarnissaat aamma pineqarpoq, Qaqortumi inuussutissarsiornermut tunngasunik Oqallittarfimmit taama nalunaartoqarpoq.

Air Greenlandip akinik qaffaanerminut tunngavilersuutigaa, aqqut pineqartoq ukiuni arlalinni ukiumut 10 miliuunit koruunit angullugit amigartoorfiusarnera.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq