Illuut A/S-ip pilersinneratigut sanaartornerulernissaq siunnerfigineqarpoq

Namminersorlutik Oqartussat inissianik attartorneqartartunik sanaartorniarnerminnut atatillugu avataaniit aningaasalersorneqarsinnaanissaq anguniarlugu ingerlatseqatigiiffimmik pilersitsilerput. - Illuut a/s pilersinneqarneratigut illoqarfinni sisamani anginerusuni inissianik attartortittakkanik 1000-inik sanaartorsinnaavugut, Ineqarnermut, Attaveqarnermut Angallannermullu Naalakkersuisoq Jens B. Frederiksen oqarpoq.

- Tassa massakkorpiaq inissianik attartorneqartalersussanik pilersitsiniarutta taava tamaasa nammineq akilissavagut. Imaluunniit Namminersorlutik Oqartussat kiisalu kommunit tamakkiisumik akiliissapput. Kisianni Illuut a/s pilersissinnaasuugutsigu taava realkreditimit aningaasaliisinnaaneq pilersissinnaavarput, Jens B. Frederiksen oqarpoq. Illuut a/s pilersinneqassappat siulersuisui pingasunik inuttalerneqassapput, namminerisaminillu sulisoqarani Namminersorlutik Oqartussat sulisuinit aqunneqassaaq. Illuut a/s ingerlatseqatigiiffiugaluarluni sanaartornerulernissamut sakkussatut atorniarneqarpoq. Namminersorlutik Oqartussat inissianik attartorneqartartussanik sanaartornialeraangat Illuut a/s aqqutigalugu realkreditimit aningaasalersuiffigineqartassagami.

- Illuut a/s-ip pilersinneratigut naatsorsuutigivarput illoqarfinni anginerni sisamani, tassani Nuuk pingaartillugu, tassami tamaani inissaaleqineq annertunerummat. Taakkunani ukiuni tallimani tulleriinni inissiat 1000-it missaaniittut sanaartorsinnaalissavagut. Tassani aamma eqqumaffigineqassaaq Pingorsuaq pilersaarutaareersup saniatigut inissiat 300-t pineqarmata, Jens B. Frederiksen oqarpoq.

Illuut a/s Inatsisartut kukkunersiuinermut ataatsimiititaliaanit kukkunersiorneqarsinnaassaaq taamaaliornikkut aningaasat Illuut a/s-imit atorneqartut Inatsisartunit malinnaaffigineqarsinnaassammata. Aningaasanik taarsisitsiniartarfiit kiisalu Danmarkimi aningaaserivinnik nakkutilliisut, Illuut a/s-ip pilersinneqarnissaa akuersaarpaat ingerlatseqatigiiffillu ukioq manna pilersinniarneqarpoq.

Naalakkersuisoqatigiinnit inissiat attartorneqarsinnaasut amerlanerusut sanaartorniarlugit pilersaaruteqarput.

Inissianik attartorneqarsinnaasunik amerlanerpaanik sanaartornissaq Naalakkersuisoqatigiinnit siunertarineqarpoq.

-Eqqarsaatigisariaqarpavut inissialiornissaminnut namminneq akissaqanngitsut, taamaammat inissiat attartorneqarsinnaasut amerlanerit pilersinniarpavut, Jens B. Frederiksen nassuiaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat