Illut morsukkiartortut

Silaannaap kissatsikkiartornera kingunipiluppassuarnik nassataqarpoq.

Kingupiluppassuit tamakku maanna maluginiarneqartalereerput, siunissamilu ikiliartornissaat Naalagaaffiit Peqatigiit silaannaap allanngoriartornera pillugu paasisimasallit nalunaarutaanni ilimagineqanngitsoq atuarneqarsinnaavoq.

Alaskami Sibiriamilu nuna qeriuaannartartuusoq ukiuni untritilikkaanni ilisimaneqarsimavoq. Meterit arlallit tikillugit nuna qerisarpoq, qerineratalu kingunerisaanik nuna allanngorartuunanilu taamaaginnartarpoq.

Aqqusinniortoqarsinnaavoq, illuliortitertoqarsinnaallunilu, kiisalu nunap qaavatigut ruujorilertoqarsinnaalersimalluni.

Silaannaalli allanngoriartornera pingaartumik issittumi malussarfiuvoq, ukiuuneratalu nalaani silap issaasattarnera akulikilligaluttuinnarpoq.

Silaannaap pissusaanik ilisimatooq Sebastian Mernild, Danmarkimeersoq, Fairbanks-ip Universitetianit Alaskamiittumit silaannaap allanngoriartornerata kingunerisaanik misissuivoq, maannamullu paasisimasai ernumanartortaqarput.

Nuna qeriuaannartuusimagaluartoq maanna aakkiartortoq, Sebastian Mernildip Alaskap avannaarsuanut angalanermini uppernarsarpaa.

Illut uppikaasimanngikkunik morsukkiartuaartut assiliortorsimavai, nunallu qeriuaannartup qeriunnaariartornera pissutigalugu illoqarfik allamut nuuttariaqartoq ilisimatitsissutigalugu.

Nuna qeriuaannartuusimasoq aakkiartoraangat uumassusillit qerisimasuugaluit asiulersarput, metangas-imillu pilersitsilersarlutik. Gas-i taanna CO2-mut naleqqiunneqarsinnaanngilaq ulorianarnerugami, taamalu silaannaap kissatsikkiartorneranut pissutaalluinnarluni.