Illut inuttaqanngitsut Niaqornaarsunni akissaajaataapput

Illut inuttaqaratik napaannartut Oqaatsuni kisimi pigineqanngillat. Niaqornaarsunni illut uiguleriiaat tallimat 2009-mili napparneqarnermi kingorna suli nutserfigineqanngillat.
Allattoq Janus Maqé
marsip 15-at 2011 15:20

Illut kiassarnerinut nunaqarfimmi aqutsisut aningaasanit aqutaminnit ukiumut 50.000 koruunit immikkoortittariaqartarpaat.

Nunaqarfimmi aqutsigut misigisimapput aningaasat silaannarmut nakkaarujoortut, naak sukannersumik kommunimit aqutseqquneraluarlutik.

- Illut atuarfittut 2009-mili atorneqareernerisa kingorna persarileripavut, innuttaasunut inissiatut sanaajummata taamanersuarli suli suneqanngillat illoqinarsigami, Niaqornaarsunni nunaqarfimmi aqutsisuni siulittaasoq Agnethe J. Søholm ilungersorluni oqarpoq.

Nunaqarfimmi aqutsisut Qaasuitsup kommunianut ataasiaratik kommunimut allagaqartarsimagaluarput kinguneqanngitsumilli.

- Aningaasaliissutitta iluanit aningaasat silannarmut nakkaarujoorput. Aningaasat aqutavut sukannersumik aqoqquneqarput, kommunimit ilisimaneqarpoq uagut aningaasatsinniit aningaasaliissutigineqanngitsunik allatut ajornartumik illut asuliinnarsuaq kiassarpavut, Agnethe J. Søholm oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq