Illut eriagisassat eqqissisimatitallu nittartakkami
-Nunatta Katersugaasivia Allagaateqarfialu illunut eriagisassanut eqqissisimatitanullu tunngatinneqartumik nittartagartaarpoq, nittartagaq www.kultur.org alakkarneqarsinnaavoq.
Nittartakkap pingaarnertut illut eriagisassatut eqqissisimatitanullu aalajangiussat siammarterlugillu paasissutissiissutigisarnissaat suliarissavaa.
Eriagisassanut tunngasut inatsisitigut tunngavissaat massakkut nittartakkami ataatsimoortinneqarsimallutik takuneqarsinnaalerput, tassanssaaq takuneqarsinnaapput eqqissisimatitassanngortitsinerit arlalissuit 1937-imili atuutsinneqalersimasut, katersugaasivilerisoq Bo Albrechtsen oqarpoq.
Ullumikkut illutoqqat asimiitilluta imaluunniit sumiiffinni assigiinngitsuni takusimagutsigit paasissutissartaat imaaliallaannaq ujartorsinnaangilagut.
-Tassami illoqarfimmi asimiluunniit angalaaraangatta Ilaatigut nalunartarpoq illut sorliit eqqissisimatitaanersut, eqqissisimatitassanngortitsinerullu suna nassatarisarneraa aammattaaq eriagisassanik taaguisarneq sunarpiaanersoq nittartakkami tassani nassuiarneqarput.
Nittarttakkamittaaq pissarsiarineqarsinnaassapput paasissutissat illutoqqanik nutarterinermut aserfallatsaaliinermullu tunngasut, atortussallu ilutoqqanut nutarterinermi aserfallatsaaliinermilu atorneqartussat sumi pissarsiarineqarsinnaanersut. katersugaasivilerisoq Bo Albrechtsen oqarpoq.
Nittartagartaami Illutoqqat eqqissisimatitanngortinneqarsimasut assitaat takuneqarsinnaassapput.
