Illussaqartitsiniarneq ilungersuutigineqarpoq
Upernaviup nunaqarfiisa avannarlersaani Kullorsuarmi ilinniartitsisut illussaqartinniarnerat nalorninartorsifiuvoq.
Namminerluni illuliassat marluk Illorput 2000 type 4-rat atortussaat kommunimit pisiarineqareersimapput, taakku Kullorsuarmut tikiunneqareerput, tamanna immini ajunngilaq, taavali:
- Teknikkikkut ingerlatsiveqarfik apeqquteqarfigigakku qaqugu kikkunnillu sananeqalissanersut akineqarpunga, illut ukioq manna sananeqassanngitsut, Kullorsuarmi atuarfiup pisortaa Svend Nielsen radioaviisimut oqarpoq.
Illunik sanasoqarnissaa neriorsuutigineqarmat soorunami ilinniartitsisoq nutaaq taavunga ippassaq tikippoq. Maannakkulli ajornartorsiuteqartoqalerpoq.
Nunaqarfinni ilinniartitsisut illussaqarniarnerat ataatsimut isigalugu ajunngitsoq atuarfimmi pisortaaneq Hans Christian Hjort radioaviisimut oqarpoq. Aappilattumili nutaamik pisariaqartitsisoqarluni, ilaanni atorfinittartut naapertorlugit malinnaasoqarluni.
Ilinniartitsisut illutaartinniarnissaat qanoq ajornanngittartiginersoq apeqqutigineqarmat akivoq, allaf-fissornikkut ingerlatsisut marluupput aappaa INI kii-salu kommunip inissaqarnermut allaffia. Ilaatigullu tamanna ajornaatsuinnaaneq ajorpoq:
- Soorlumi Herodasimiit Pilaatusimukartinneqarluni, paasiniaraanni kina arlaat atuarfiup ingerlatsiveqarfianut inissaqartitsinersoq, Upernavimmi atuarfimmi pisortaaneq Hans Christian Hjort radioaviisimut oqarpoq.