Illussanik titartaasartup pisuinnaat torragai

Illuliassanik titartaasartoq Jan Gehl Kalaallit Nunaanni Teknikkimi ilinniarfiup aqqissuussaani ataatsimeersuaqataavoq. Ataatsimeersuarnermi issittumi inooriaaseq sanaartornerlu pillugit isumasioqatigiinneq sammineqarpoq. Jan Gehlilu isumaqarpoq Issittumi illoqarfiit pitsanngorsarneqartariaqartut.

- Amerlaqaat pisuinnartartut. Sukkulluunniit pisuttarpugut, pisinnaatitaaffeqaramimmi sukkut tamaana pisunnissaminnut, illuliassanik titartaasartoq Jan Gehl taama oqarpoq.

Jan Gehlip maluginiarsimavaa nunatsinni inuppassuit angallanneq atornagu pisunnerusartut. Isumaqarporlu pisuttarneq atorluarlugu illoqarfit pitsanngorsarneqartariaqartoq.

- Pisulluni peqqinnarneruvoq, aammalu pinngortitamut ajunnginneruvoq. Inuit pisukkaangamik inoqatitik naapinnerusarpaat oqaloqatigiilluartarlutillu, Jan Gehl oqarpoq.

Jan Gehl illuliassanik titartaasartuugaluarluni illoqarfiup qanoq inissitsitersinnaanera soqutigineruaa.

- Kalaallit Nunaanni ajornartorsiutaavoq illuliortiternerit qanoq inissinneqartarnerat. Illut inissaqartinneqassagunik innuttaasut aamma inissaqartinneqartariaqarput. Taamaattumik sanaartunnginnermi pilersaarusiorluaqqaartariaqarput, inuit pisuinnaat eqqarsaatigalugit, Jan Gehl taama oqarpoq.

Ataatsimeersuartitsineq Kalaallit Nunaanni Teknikkimi Ilinniarfiup aaqqissuussaa, nunanit allanit peqataaffigineqartoq, ullumi aallartippoq. Ataatsimeersuarnermi siunertaavoq issittumi inuuniarneq sanaartornerlu pillugit isumasioqatigiinnissaq.