Illussanik titartaasartoq tusaamaneqarluartoq nersorneqarpoq

Illuliassanik titartaasartoq nunat tamalaanit nersugaasoq, Bjarke Ingels, illuliassanik titartaasarfimmi, BIG-mi aqutsisuusoq, nunarsuarmi inuit pingaarnersaat hunnorujut akornanniittoq, nutaarsiassaqartitsivik Time Magazine allappoq.

Bjarke Ingels pissaaneqarnerpaanik allattuiffimmi, amerikamiut nutaarsiassaqartitsivianit, Times Magazinemit saqqummiunneqartumi danskini kisimiippoq.  

- Bjarke illuliassanik titartaasartorsuarni ersinermik qaangigaqartuni siulliuvoq. Oqimaaloqutanilu peereerpaa.

- Silicon Valleymi eqqarsartartorsuarnut nunarsuaq pitsaanerulernissaanik kissaateqartunut sanilliussinnaasorujussuuvoq, siornatigullu periuuserisartakkanik malitaqarnani, nutaarsiassaqartitsivik nittartakkamini sisamanngormat allappoq.

Ingels illuliassanik titartaasarfimmut BIG-imut piginnittuuvoq, illuliallu nutaaliat malunnartut arlallit titartarlugit. Aamma illuliassanik titartaasarfiutaata Nunatsinni illuliassamik titartaanikuuvoq. 

Ingels titartaasarfimmik BIG-imik piginnittoq nutaalianik amerlasuunik illuliornikuuvoq, titartaasarfialu Nunatsinni illuliassamik titartaannikuuvoq. Nunatsinni Eqqumiitsulianik Katersugaasivissaanik unammisitsinermi Nuummiittussami ajugaanikuuvoq. Katersugaasivilli suli piviusunngortinneqanngilaq.  

Aamma atuaruk Nunatsinni Eqqumiitsulianik Katersugaasivissamut aningaasaliisussanik ujarlertoqassaaq (2011)

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat