Illup iluani arsariaatsimi Futsalimi Nunatsinni arsaattartut nunanut allanut unammisartut peqataalersut

Arsaattartoqarnerup siuarsaavigineqarnissaa nunattalu nunanut allanut unammisartui qaffassarnissaat siunertaralugu Futsal Nunatsinni unammissutitut eqqunneqarpoq. Nunatsinni silami arsaannissamut atugassarititaasut ilaatigut pitsaavallaartannginnerisigut illup iluani futsalimik arsaattoqartalernissaa isumassarsiaavoq pitsaalluinnarpoq.

Nunatsinni isiginnaariartartut aamma isikkamik arsaallutik nunat unammisarneri takusinnaalissavaat futsal nunatsinni nalinginnaasumik timersuutaalerpat. Nunanummi allanut unammisarnerit maannamut nunani allani ingerlanneqartarput, futsalilli eqqunneqarneratigut nunat unamminerini nunatsinni ingerlanneqarsinnaalissapput.

Elite Sport Greenland GBU suleqatigalugu nunatsinni futsalimik inerisaaniarluni aalajangersimavoq. Savalimmiormiut nunanut allanut unamminissaannik Nuummi isikkamik arsaalluni timersoqatigiiffiit Nuuk Boldspil Union aqqutigalugu aaqqissuisuupput.