Illup iluani arsaalluni siullerpaamik pissartanngorniuttoqalerpoq
Kalaallit Nunaata oqaluttuarisaanerani siullerpaamik pisortatigoortumik illup iluani arsaalluni pissartanngorniuttoqalerpoq, peqataarusullutillu nalunaartut amerlaqimmata pisussaq kingullerpaajussagunangilaq.
Angutit pissartanngorniunnissaat Ilulissat timersortarfianni pissaaq, tallimanngornermi februaarip 27-anni aallartikkunik, ajugaaniutivinnerit sapaammi marsip aallaqqaataanni pissallutik.
Arnat pissartanngorniunnerat Nuummi timersortarfimmi ingerlanneqassaaq, tallimanngornermi marsip arfernganni aallartikkuni sapaammi marsip arfineq-pingajuanni naggaserneqassalluni.
Arsaalluni illup iluani siullerpaamik pissartanngorniunissat annertunerusumik paasisaqarfigerusukkussigik Kalaallit Nunaanni Arsaattartut Kattuffiata nittartagaanut alakkarterisinnaavusi, uunga: www.gbu.gl