"Illup ilua anoraasualeraluarpoq"

Qaqortumi unnuaq anorersuarujussuarmat illoqarfiup kippasinnerusortaani nammineerluni illuliat ilaanni najugaqartut ilaasa qaliaat tingimmat illup ilua anoraasualeraluarpoq.
Allattoq Jørgen Semionsen
februaarip 02-at 2010 13:41

Anoraasuarujussuartarnerani anorip sakkortussusaa sekundtmut 34 meterinik sakkortussuseqartoq Asiaq misissueqqaarnerit ilisimatitsivoq. Qatsinnerusumi sakkortunerusimasinnaasoq aamma oqaatigineqarpoq.

- Qilaannguarput tingippoq. Qilaami igalaaq tingimmat illup ilua anoraasualeraluarpoq. Soorlu filmi, Niviiganngivini najugaqartut ilaat Bitten Høegh Dam oqarpoq.

Taakkua eqqaamiuilu ilinniartut najugaqarfiini ineqartut unnuaq qimarngunneqarput, teqqakaasoqarnissaa annilaangassutigineqaleraluarmat.

iviiganngivit eqqaani utoqqaat nammineersinnaanerit inaani najugaqartut ilaat aamma sinippiarsimanngillat.

- Annilaanganermik sininngilanga, igalaaq qangalili iluarsagassaq aserussasoralugu, ineqartut ilaat Marianne Vahl oqarpoq.

Taassuma igalaaq iluarsagassaq kommunimi teknikkeqarfimmut suliareqqullugu noqqaassutigiuarsimagaluarpaa. Igalaarli suli maannamut iluarsaaneqarsimanngilaq.

Ilanngutassiaq Qanorooq unnugu aallakaatinneqalerpat takuneqarsinnaassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq