Illuliassanik titartaasartoq pillugu piviusulersaarut Katuami takutinneqassaaq

Nuummiut sanaartugassanik ilusilersuinermik filmernermillu soqutiginnittut sisamanngornermi sanaartugassanik ilusilersuisartoq tusaamasarsuaq Bjarke Ingels ilisimanerulersinnaavaat.
Bjarke Ingels
Bjarke Ingels Assi © : Jonas Fievé/KNR
Allattoq Inge S. Rasmussen
maajip 04-at 2017 06:46
Nutserisoq Erna Lynge

Taannaavoq Nuummi eqqumiitsulianik katersugaasivissamik Siorarsiorfimmilu illup iluani arsaattarfiliassap ilusissaanik siunnersuusiorsimasoq.

Bjarke Ingels filmimi pisimasuinnik tunngavilimmi "Big Time"mi ilisaritinneqarsimavoq, filmilu taanna pingasunngorpat unnukkut Katuami takutinneqassaaq. Angut tegneserialiortunngorusussimasoq maannali ilusilersuinermik suliallit silarsuarmi pikkorinnersat ilaattut suaarutigineqarsimasoq, filmip ilisarititsinerani taama oqaatigineqarpoq.

Filmimi pisimasuinnik tunngavilimmi BIG TIME-mi ilusilersuisartoq ukiuni tallimani 2011-miit 2016-mut malittarineqarpoq.

Filmimi malittarineqarpoq Bjarke Ingels Bjarke Ingels Group (BIG) imeersoq. Taassuma aamma New Yorkimi illorsuit marluk septembarimi 2001-imi nakkaattut inikuanni sanaartugassat ilusilersornerat unammisitsissutigineqarmat ajugaaffigisimavaa.

BIG TIME sisamanngornermi unnukkut arfineq marlunut Katuap ineeraani takutinneqassaaq.

 

 

 

Aamma atuaruk