Illuatungiliuttut Josef Motzfeldt tunuaqquaat
Siumut aamma Atassut Inatsisartut 2010-mut aningaasanut inatsisissatut siunnersuutaata aappassaaneerneqarnerani pikitsitsingaatsiartut, aviisi Sermitsiaq allappoq.
- Kalaallit Nunaanni tamat oqartussaaqataanerat ajorsarpoq, Siumut sinnerlugu oqaaseqartartoq, Per Berthelsen aamma Atassummeersoq, Finn Karlsen ataatsikkut taama oqariartuuteqarput.
Partiit taakkua isumaqarput, Inatsisartut siulittaasuat, partiinut sorlernut ilaasortaaneq apeqqutaatillugu naapertuutinngitsumik suliminik ingerlatsillunilu Naalakkersuisumut, Jens B. Frederiksenimut tatiginnikkunnaarnermik taasisitsisoqalermat Josef Motzfeldtip naalakkersuisut illersorai.