Illuatungiliuttut: Inuiattut akuerineqarnissarput tullinnguuppoq
Pingaarnerpaatut siullertut suliarisassarput tassaavoq kalaallit inuiattut inissisimalernerata uppernarsartinneqarnissaa. 1954-imi kukkussutaasimasup
Naalagaaffiit Peqatigiinnut nalunaarnikkut naqqinneqarnissaa
Namminersorneq namminersornerunermiit sutigut allaanerussua?
- Inuiaqatigiit ingerlanneqarnerannut akisussaaffik annertunerusoq tigummilissavarput. Demokratiimik ilinniarnerput sakkortusarneqartariaqarpoq aamma inuit inuiaqatigiit ingerlanneqarnerannut peqataanerat tamakkiisunngortinneqartariaqarluni. Inuit Ataqatigiit siulittaasuat, Kuupik Kleist taama oqarpoq.
Kattusseqatigiit siulittaasuat, Anthon Frederiksen, isumaqarpoq, ukiut tullinnguuttut aamma suliassanik nutaanik nassataqassasut:
- Pissanganarnerullutillu pisinnaatitaaffinnik pisussaaffinnillu nutaanik ilaqartussaapput, pingaartumik nunaråput avataaniit soqutigineqartorujussuanngorpoq ukiuni kingullerni. Nunap pigisai assorujussuaq soqutigineqarput, aamma taakku ukiuni tulliuttuni suliassat pingaartut ilagisussaavaat. Kattusseqatigiit Partiiata siulittaasua, Anthon Frederiksen kingulliulluni taama oqarpoq.
