Nunatsinnut angalanerit pisariaqanngitsut unitsillik, nunarpullu Danmarkimisullu iliuuseqarta, ulluni 14-ini matuneqarli. Partiit illuatungiliuttut taama allagaqarput. Assi: Privat

Illuatungiliuttut: Coronamik tuniluuttoqaqqunagu nunarput matuli

Inatsisartuni illuatungiliuttut Inuit Ataqatigiit, Suleqatigiissitsisut, Atassutip Partii Naleqqallu coronavirusi tuniluutilertinnagu pisortat suliffeqarfii tamarmik nunatsinnullu pisariaqanngitsumik angalanerit unitseqquaat.

Nunatsinnut angalanerit pisariaqanngitsut unitsillik, nunarpullu Danmarkimisullu iliuuseqarta, ulluni 14-ini matuneqarli. Partiit illuatungiliuttut, Inuit Ataqatigiit, Suleqatigiissitsisut, Atassut Partii Nalerarlu taama allagaqarput.

Coronavirusi siaruaatilertinnagu nunarput ulluni 14-inini matugallarneqarli.

Partiit illuatugiliuttut sisamaasut Naalakkersuisunut allakkatigut taama ilaatigut kaammattuuteqarput.

- Kalaallit Nunaat ulluni 14-inini Danmarki assigalugu matuneqartariaqartoq isumaqarpugut, soorlulisooq Danmarki taamaaliortoq. Naak inissisimanerput Danmarkimi pissutsinut suli assersuussassaanngikkaluartoq,

Atassut, Partii Naleraq, Inuit Ataqatigiit Suleqatigiisitsisullu ataatsimoorlutik taama kaammattuuteqarput.

- Partiini siulittaasut ataatsimeeqatiginissaanut Naalakkersuisut siulittaasuat matumuuna aammaarlugu aggersaqqullugit kaammattorparput. Piffisanngormammi iliuuseqarnissaq, taamaalillutami siusinaarluta upalungaarsimaniassagatta, taamatullu uippallilernissaq pinaveersaartinneqassammat, illuatungiliuttut taama allaaserisaqarput.

AAMMA ATUARUK Arctic Circle Race corona virus peqqutigalugu taamaatiinnarneqarpoq

Partiit kaammattuutigaat:

  •  Nunatsinnut avataaniit avammullu angallanneq pisariaqanngitsoq unitsinneqarli, inuit nunatsinnut tikittut angerlarsimaannarnissaannik innersuunneqarlik.
  • Angerlarsimaffeqanngitsut sanngiinnerillu iliuuseqarfigineqarlik.

  • Pisortat suliffiutaat kiisalu suliffeqarfiit sulisui akisarsiaqartiinnarlugit angerlarsimatinneqarlik.

  • Inuussutissaqarnissarput nakorsaatissaqarnissarpullu pisariaqartipparput.

  • Inuiaqatigiinnut malittarisassanik saqqimmiisoqarnissaa pisariaqartiparput.

  • Isumannaatsumik nunattta iluani naappaammik tunillatsissimanermik misissuisoqarsinnaalernissaa pisariaqartipparput.

Saaffiginnissutiminnut suli Naalakkersuisut siulittaasuannit Kim Kielsenimit suli akineqarsimannginnerarput.

- Uippallernissaq pinaveersaartinniarlugu, maannakkut ataatsimiigiaqquneqarnissatsinnut neriulluta naalakkersuisoqatigiinni partiinut oqariartuutissagut ammasumik nalunaarutigissavagut.

- Nunatsinnut angalaneq pisariaqavitsinnagu matuli. Kalaallit Nunaannut tikittut angerlarsimaannartinneqarlik. Napparsimasut atortorissaarutillu mattunnagit.

- Angerlarsimaffeqanngitsut inuuniarnermikkullu ajornartorsiuteqartut ikiornissaannut aaqqiisoqarli.

- Pisortat suliffeqarfiutaani sulisut aningaasarsiaqarlutik suliunnaarsinneqarlik.

- Inuussutissanik nakorsaatinillu pilersuinermut pilersaarutit pisariaqartippagut.

- Inuiaqatigiinnut maleruagassat nassiunnissaat pisariaqartipparput.

- Nunatsini misissuutit pisariaqartippagut, tamaani akissutisinnaaniassagatta.

- Uani partiini politikki aporfiusariaqanngilaq, kisiannili nappaatip tuniluutinnginnissaa pingaarnerulluni. Piareersimavugut.

Nunatsinni inuttaasunut kaammattuuteqarpugut angalareernermi nammineq piumassusertik naapertolugu angerlarsimaannarallartarnissaannik, kiisalu napparsimallutik malugisimagunikku angerlarsimaannarnisaanik.

Neriniartarfinnik cafenillu pinguaatinik allanillu piginittut akisussaassusillit qinnuigaagut matusinnaanissamik nalilersuilluaqqullugit, taamalilluta coronavirusip tunillaassuussinnaanera pinaveersaartinneqassammat.

Utoqqaat, napparsimasut, annikinnerusumillu akiiussutissallit eqqarsaatigalugit iliuuseqartariaqalerpugut.

Naalakkersuisunut illuatungiliuttutut piareersimavugut oqaloqatigiinnissamut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat