Illuatungiliuttut aktiasinermut akerliupput
Grønlandsbankimik piginneqatigiinnissutinik 89 mio. kronet naliginut pisinissamik, Inatsisartut Aningaasaqarnermut Ataatsimiititaliaat aalajangermat, naalakkersuisooqatigiinnut illuatungiliuttut Atassut aamma Demokraatit Ataatsimiititaliami ilaasortaatitaat akerliupput.
Demokraatinit Aningaasaqarnermut Ataatsiititaliami ilaasortaq Per Skaaning oqarpoq aningaasarpassuit taama atunnginnerini Inatsisitigut tunngavissat, inissinneqareersimasariaqaraluartut, Aningaasaqarnermut Nakkutilliisoqarfiup akuersinngitsooratarnissaa pinngitsoorniarlugu.
Namminersornerullutik Oqartussat pisinerminni Grønlandsbankimik piginneqatigiissutit 27 procentii sinnerlugit pigilerpaat.
Per Skaaning isumaqarpoq 89 mio.kronet pitsaanerusumik atorneqarsimasinnaangaluartut, soorlu suliffissaqartitsiniarluni sanaartortitsinermut.
