Illu Paarsivik 250.000 kronenik tunisippoq

Qaqortumi meeqqat inuusuttuaqqallu angerlarsimaffiat imminut pigisoq Illu Paarsivik Danmarkimi Lions klubbimiit 250.000 koruuninik tunissitisivoq. Aningaasallu ullumi isaanneqarput.

Aningaasarpassuit Illu Paarsivimmut tunissutit Danmarkimi Fredensborgep illussaarsuani Prins Henriup, Lionsklubbemut illersuisuusup Illu Paarsivik sinnerlugu tunissummik aallertunut ullumi isaappai.

Illu Paarsivikkormiut namminneerlutik tunniussamik aallarsinnaasimanngitsut Qaqortormiu assammik arsallammak nuannaartorineqartorlu Hans Peter Kyed Motzfeldt taassumalu aappaa erinarsortartoq Julie Berthelsen tunissummut sinnerlutik tigusisussamittut aallertippaat. Hans Peter Kyed Motzfeldtip Illu Paarsivikkormiut sinnerlugit tigusinertik tuppalliutiginerarpaa:

- Nuannaarutigaara Qaqortup kommunea taavalu Illu Paarsivik sinnerlugit aningaasat aasinnaagakkit.

Hans Peter Kyed Motzfeldtip Fredensborgip illussaarsuanut aallernertik oqaluttuaraa:

- Ullumi ulloqeqqa missaani apuukkatta utaqqeqqaalaariarluta illussaarsuarmut isertinneqarpugut, tassanilu ilisaritinneqareeratta Prins Henriup aningaasat checkinngorlugit uagutsinnut tunniuppai. Hans P. K. Motzfeldt aappanilu Julie Berthelsen qujassuteqarlutik oqaaseqarsimanerarput.

Motzfeldt oqarpoq Illu Paarsivimmiut immikkut toqqaannartumik attaveqarfigisimanngikkini kisiannili Qaqortumut aasaru tikikkuni alakkarniarlugit oqarpoq.

Qaqortumi Illu Paarsivik imminut pigisoq meeqqat inuusuttuaqqallu arfineq pingasut 14-it 17-illu akornanni ukiullit najugaqarfigaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat