Illu arfinilinnik quleriiaanik initalik isasoortoq
Kisianni inuit 50-it inornagit maqaasineqartut tusagassiuutit nalunaarutigaat.
Politiit oqaaseqartartuat nutaarsiassaqartitsivimmut AP-mut nalunaarpoq, qarmasissiat isasoornermit pisut 70 meterisut annertutigisumut siammarsimasut.
Angut illumi isasoorfiup qanittuani sulisoq tv-qarfimmut N-TV-mut oqarpoq, sulitilluni tassanngaannaq qanngulunneq tusaalersimallugu, soorlugooq tassa qimuttuitsut saneqquttut. Taavalu – erniinnarluinnaq – suna tamarmi pujoralammik qallerneqarpoq illulu illukuinnanngorsimalluni, angut oqaluttuarpoq.
Illu toqqorsivik nutaaliaasumik sananeqarsimavoq 1971-imilu naammassineqarluni.
Ajunaarneq qanoq pisimassanersoq suli erseqqissumik paasineqanngilaq. Eqqoriaanerni siullerni illuliap katitigaanera pissutaassangatinneqarpoq – tassami qimuttuitsut nunap ataatigut aqqutaat suliarineqarmat. Tamannali tamatumunnga attuumassuteqarnersoq suli uppernarsarneqanngilaq.
